Punimet për ndërtimin e shkollës së re 9 vjeçare në Bërzhitë po vazhdojnë dhe godina e re do të jetë gati vitin e ardhshëm për 180 nxënësit e saj. Nënkryetari i Bashkisë së Tiranës për territorin dhe zona rurale, Blendi Sulaj ka inspektuar nga afër punimet për ndërtimin e shkollës “Mersin Duqi”. Ai tha se shkolla e re do të jetë gati sa më shpejt për të mirëpritur nxënësit e zonës, si dhe theksoi që do shërbejë edhe si hapësirë rekreative për komunitetin pas orarit zyrtar të shkollës. Sinkron sulaj - “Po bëhet një punë shumë e mirë. Bashkia e Tiranës do të jetë shumë e vëmendshme ndaj të gjitha investimeve që do të bëhen në zonat rurale sepse do t’i shërbejnë komunitetit, por mbi të gjitha kjo shkollë do t’i shërbejë do ti shërbejë mbi 180 nxënësve dhe shkolla të shihet të paktën edhe pas orarit shkollor të jetë një pjesë që e gjithë zona ta shfrytëzojë për ambientet rekreative që do të krijohen dhe që është bërë e mundur. Ju shkoftë mbarë dhe mbaroni sa më shpejt” Nënkryetari Sulaj inspektoi edhe shkollën “Selman Meta”, për të cilën tha se bashkia Tirane do te jete ne gadishmeri për çdo nevoje qe do te kene shkollat e ketyre zonave .