Një 22-vjeçar I shpallur në kërkim është arrestuar nga Policia e Shtetit. Visar Skacaj po tentonte të arratisej nga Shqipëria, por u kap në kufirin e Hani të Hotit. Ndaj tij, gjykata ka caktuar masën e sigurisë 'arrest me burg'për veprat penale “Shkatërrimi i pronës”, “Shkatërrimi i pronës me zjarr’’ dhe “Rebelimi i të burgosurve’’. Në 22 mars 2020, kur ai ka qenë duke vuajtur dënimin për një vepër tjetër penale, në burgun e Reçit, në bashkëpunim me disa të burgosur të tjerë, ka shkatërruar me zjarr ambientet e dhomave të burgimit dhe ka kundërshtuar punonjësit e burgut gjatë kryerjes së detyrës. I riu në fjaë ka qenë në kërkim përgjatë gjithë kësaj kohe, teksa tashmë u bë I mundur lokalizimi I tij. Pas përfundimit të dënimit, ai ka qëndruar I fshehur, deri në momentin kur kishte planifikuar largimin nga Shqipëria. Pas informacioneve të siguruara nga policia, tashmë ai do të rikthehet sërish në qeli.