Te gjithe drejtuesit e mjeteve qe jane kapur me shkelje nga policia rrugore gjate qarkullimit rrugore, nuk do të presin më në radhë për të paraqitur ankesat po pretendimet e tyre. Sherbimi tashmë do të ofrohet online përmes potalit e-albania, dhe zyrat përkatëse pranë zyrave të qarkullimit rrugor. Ministri i Brendshëm Sandër Lleshaj i shoqeruar nga drejtori i Përgjithshëm i Policisë së Shtetit Ardi Veliu gjate inspektimit te punën e OASH në Komisariatin e Policisë Rrugore Tiranë, tha se këto zyra ketej e tyutje do të jenë të mbyllura pasi shërbimi do jete online- Qëllimi i kësaj mase është që të eliminojmë detyrimin e qytetarëve për t’u paraqitur në zyra. Nga sot qytetarët, - ata që kanë bërë shkelje të rregullave të qarkullimit, - kanë të drejtën që të gjithë dokumentacionin që duan t’i paraqesin OASH-së, t’ia paraqesin online, përmes e-albania, dhe të kursejnë ardhjen, pritjen dhe humbjen e kohës pranë këtyre zyrave. Me këtë hap, ne, së pari bëjmë një shërbim për qytetarët, së dyti eliminojmë edhe një mundësi kontakti të drejtpërdrejtë të qytetarëve me komisionet përkatëse. Në mënyrë që të evitojmë të gjitha risqet e mundshme, që kanë gjasa të zhvillohen në këto situata. Lehtësimi i shërbimeve për qytetarët në të njëjtën kohë është edhe një lloj shtrëngese për ata që shkelin rregullat për arsye se tashmë mundësi e kontaktit bëhet zero. Pra, nuk kanë mundësi të ‘negociojnë’ me asnjë lloj Komisioni.