Forcat ajrore të Ukrainës pretendojnë se sistemet amerikane Patriot kanë rrëzuar çdo raketë ruse "Dagger" që nga maji. Me ndihmën e mbrojtjes ajrore moderne që zelenski e ka kërkuar prej kohësh, vendi ka arritur gjithnjë e më shumë të pengojë bombardimet ruse. Efikasiteti i sistemit patriot ka të ngjarë të shtojë më tej oreksin e Ukrainës për më shumë nga sistemet shumë të lakmuara anti-balistike. Në një intervistë me Ukrinform, agjencia shtetërore e lajmeve kombëtare e vendit, koloneli i Forcave Ajrore Serhii Yaremenk tha: "Të gjithë Kinzhalët që janë nisur mbi kryeqytetin ukrainas që kur u tha se sistemi i mbrojtjes ajrore Patriot ishte vënë në detyrë luftarake janë interceptuar me sukses”. "Që nga fillimi i majit 2023, asnjë raketë balistike nuk ka arritur objektivin e saj në Kiev. Më shumë se 20 Kinzhal janë lëshuar mbi Kiev dhe të gjitha janë interceptuar me sukses," shtoi ai. Raketat Kinzhal ose Dagger, që përkthehet "kamë", dikur konsideroheshin si një armë që ndryshonte rregullat e lojës në fushatën ruse në ukrainë. Megjithatë, ato tani janë bërë jo shumë efikase për shkak të sistemeve patriot që ka marrë ukraina. MIM-104 Patriot është prodhuar në SHBA nga kontraktori i mbrojtjes Raytheon dhe konsiderohet si një nga sistemet më të avancuara të mbrojtjes ajrore në botë. Ukraina, aktualish posedon të paktën dy prej këtyre sistemeve, një i dhuruar nga SHBA në maj dhe tjetri i ofruar në partneritet nga Gjermania dhe Holanda. Presidenti ukrainas, Volodimir Zelenski, ka thënë se Ukrainës i nevojiten të paktën shtatë sisteme të tilla për të mbrojtur qytetet e saj nga sulmet ajrore të rusisë.