Ishte ky mesazhi i cili mbërriti në grupin e ëatsappit te deputetëve socialist këtë 30 prill. TE DASHUR KOLEGE, Bazuar ne disa shkelje te renda te Kushtetutes sipas parashikimeve te nenit 90, nga ana e Presidentit Ilir Meta perpara dhe gjate fushates zgjedhore, ne konsultim me Kryesine e Grupit Parlamentar kemi vendosur te inicijojme Proceduren e Shkarkimit te Presidentit te Republikes. Per kete qellim ju lutem siguroni prezencën tuaj pranë Zyres se Grupit Parlamentar per te firmosur PROPOZIMIN PER SHKARKIMIN E PRESIDENTIT. 93 vota i duhen mazhorancës për të shkarkuar nga detryra Presidentin e Republikës Ilir Meta. Këto vota mund të sigurohen në këtë legjislaturë pasi socialistët dhe opozita parlamentare kanë pasur një bashkëpunim të ngushtë gjatë dy viteve te fundit, që kur ata u bënë pjesë e legjislativit. 6 ditë pas konfirmit te mandatit te tretë Partia Socialiste e nisi një tjetër betejë kundër Ilir Metës ku mëngjesin e së hënës do të ketë një mbledhje në selinë rozë për të nisur nga puna. Të premten, 36 deputetë socialist kanë nënshkruar kërkesën për shkarkimin e Metës ndërsa ky proces do duhet të kalojë përmes disa hallkave. Menjëherë pas mbledhjes së firmave, Komisioni i Ligjeve do e shqyrtojë atë për t’i hapur rrugë ngritjes së komisionit Hetimor.