Jo pak, por plot 50 deputetë kanë firmosur kërkesën e dytë për shkarkimin e Presidentit të Republikës Ilir Meta. Përmes një raporti 40 faqesh, socialistët kanë parashtruar të gjitha funksionet që duhet të ketë Presidenti dhe shkeljet që ka kryer ai, duke zbardhur deklaratat e Ilir Metës në daljet e tij me gazetarët dhe emisionet e mbrëjeve. Kreu i grupit Pralamentar të Partisë Socialiste Taulant Balla u shpreh se pavarësisht thirrjeve të herë pas hershme, Presidenti Meta nuk ka reflektuar dhe kjo procedurë do të nisë dhe përfundojë bremda kësaj legjislature. Kjo kërkesë do i kalojë për shqyrtim Komisionit të Ligjeve, nëse miratohet, më tej do të kalojë për diskutime në sallën e seancave plenare dhe do të ngrihet një komision hetimor për të shqyrtuar të gjitha provat e grumbulluara nga socialistët. Pas grumbullimit të provave do të kalohet për votim në një seancë plenare për t’iu dërguar më tej Gjykatës Kushtetuese. Kjo e fundit do të japë vendimin final nëse do të shkarkohet apo jo Presidenti. Megjithatë, duke marrë parasysh se Gjykata Kushtetuese nuk mund të funksionojë në kushtet e emergjencës, apo skadimit të afateve, për këtë cështje nuk mund të parashikohet se kur mund të ketë një seancë për këtë çështje.