Përkeqësimi i motit ditët e fundit solli një sërë problematikash në disa zona të vendit. Reshjet e dendura të shiut sollën përmbytje, në zonat malore akset rrugore u bllokuan nga reshjet e dëborës, gjë që solli një situatë disi të ndërlikuar. Vec këtyre kalaja mesjetare e Lezhës, e cila është një nga atraksioent kryesore të këtij qyteti, prej më shumë se një viti tashmë është kthyer në një rrezik për banorët e zonës përreth, kjo për shkak të rrëshqitjes së gureve të mureve rrethues. Gurët rrëshqasin sa herë ka reshje të dendura shiu dhe erë të fortë. Ded Margjoni, Specialisti i Trashëgimisë në Lezhë, u shpreh se asnjë firmë kontraktuese nuk e merr përsipër si projekt për të restauruar muret mesjetare. Margjoni gjithashtu ngriti alarmin për rrezikun që kjo kala ka për banorët të cilët jetojnë poshtë saj. Ndërhyrjet e bëra herë pas here për të ulur disi rrezikshmërinë që u kanoset këtyre banorëve kanë evituar rrëzimin e mureve që janë prekur nga shembja por jo eleminimin përfundimtar të rënies së gurëve.