Rritja e rasteve të reja që kanë ardhur edhe si rezultat i variantit Delta, ka bërë që Kosova t'i rikthehet masave shtrënguese. Nga dita e premte, në Kosovë do të rikthehet ora policore, nga ora 22:00-05:00, ndërsa baret dhe restorantet do të lejohen që të punojnë deri në orën 21:00. Në takimin e ministrit të Shëndetësisë, Arben Vitia së bashku me kryetarët e komunave, u vendos edhe shtyrja e fillimit të vitit të ri akademik. Nga 1 shtatori që ishte caktuar më herët, tashmë viti shkollor do të nisë më 13 shtator. “Mësimi po shtyhet deri më 13 shtator. Gastronomia do të punojë deri në orën 21:30. Ndërsa do të vendoset edhe ora policore nga ora 22:00 deri në prën 05:00. 1 mijë e 16 punëtorë shëndetësore dhe inspektorë do të shtohen. Kërkesa e komunave rreth furnizimit me barna do të plotësohet, pra 92 % e kërkesave për furnizim do të plotësohen”, deklaroi ministri. Kujtojmë se në 24 orët e fundit rezultuan pozitivë me Covid-19 2.098 qytetarë si edhe humbën betejën me këtë virus 16 qytetarë.