Serbia vijon të jetë një shqetësim për sigurinë në rajonin e Ballkanit, për aq kohë sa ajo nuk I përafron qëndrimet e saj me ato të BE lidhur me Rusinë e Kinën. Teksa Shqipëria, MAqedonia e Veriut e Mali I ZI, mbështeten kryesisht tek NATO, qëllim I cili është edhe për Kosovën, nuk është e njëjta për Serbinë, e cila teksa mban marrëdhënie me aleancën ndërvepron me Rusinë e Kinën. Ish-ministri i Mbrojtjes, Fatmir Mediu, thotë për Radion Evropa e Lirë se ky kombinim e ka shndërruar prej kohësh Ballkanin Perëndimor në një version miniaturë të rivaliteteve globale. “... sepse siguria sot nuk është vetëm çështje mbrojtjeje. Siguria është çështje infrastrukture, teknologjie, politike, ekonomike dhe ushtarake. Marrë parasysh këto, raportet që i ka krijuar Serbia [me Rusinë dhe Kinën] janë çështje e një shqetësimi jo të vogël”, thekson MEdiu. Sipas tij, qëndrimet serbe ndaj Kosovës e Bosnjës, janë të njëjta me ato ruse ndaj Ukrainës, që sollën luftën.