Gjykata e Shkallës së Parë Kukës ka caktuar masën e sigurisë ‘Arrest në shtëpi’, për veprat penale “Plagosje e rëndë me dashje” dhe “Plagosje e lehtë me dashje” ndaj 21-vjeçares Artjola Sallaku, e cila u bë pikënisje e një konflikti mes dy familjeve në Pukë, që përfundoi në tragjedi. Por si nisi krimi i rëndë në fshatin Pla të Hasit, që përfundoi me një viktimë dhe dy të plagosur? Ngjarja e rëndë, erdhi si pasojë e një konflikti për motive pronësie mes dy familjeve, fqinje me njëra -tjetrën në Has. Fillimisht, Policia arrestoi 21-vjeçaren Artjola Sallahu, e dyshuar për plagosjen me mjete të forta të dy bashkëshortëve të moshës 65 dhe 60 vjeç, të cilët u dërguan drejt spitalit për ndihmë mjekësore. Por situata mori një kthesë tragjike disa orë më vonë. Ylber Jaku, 41 vjeç, djali i çiftit të plagosur, ka qëlluar për vdekje Ryshyt Sallahun, 34 vjeç, vëllain e Artjolës. Vrasja ndodhi në afërsi të banesës, teksa viktima po ecte me makinë. Autori dyshohet se ka shtënë 8 herë me një armë zjarri tip pushkë, duke e lënë të vdekur në vend.