Një ditë pas plagosjes në Kukës, dy vëllezërit e shpallur në kërkim, Fatri e Ndriçim Iseberi, 38 dhe 39 vjeç, janë vetëdorëzuar në Polici paraditen e kësaj të hëne. Sipas hetimeve, dy vëllezërit janë përfshirë në një konflikt fizik me shtetasin Sadik Kapica, 65 vjeç, për motive të dobëta, në një zonë të njohur si “Dëshmorët” në Kukës. Sipas Policisë, gjatë përplasjes, Ndriçim Iseberi dyshohet se e ka goditur 65 vjecarin me qytën e arme zjarri pistoletë, dhe nga pakujdesia, arma është shkrepur dhe ka plagosur rëndë edhe Amarildo Cena 36 vjeç, i cili nuk kishte lidhje me konfliktin. Ai u transportua në spitalin universitar të traumës për të marrë mjekim dhe ku ndodhet jashtë rrezikut për jetën. Autoritetet kanë vënë në pranga Ndriçim Iseberin, ndërsa kanë proceduar penalisht të vëllain, Fatri Iseberin, banues në Kodër Lumë. Në cilësinë e provës materiale u sekuestrua arma e zjarrit e dyshuar përdorur në ngjarje.