“Si do garantohej siguria e popullit në Kosovë, çfarë mund të dilte gjatë rrugës...”. 26 vjet më parë, këto ishin çështjet që mundonin ish zëdhënësin e NATO-s, James Shea. Zëri i aleancës ushtarake gjatë bombardimeve, kthehet në kohë duke shtuar se sot Kosova po dëshmon se ai vendim ishte i duhuri. “Ishte një moment që të bënte të mendoheshe. Sa do të zgjaste? A do të ishte e suksesshme NATO? Po, strategjikisht, por sa javë? Çfarë mund të kishte në terren në ndërkohë? Cila do të ishte siguria e popullit të Kosovës? Këto ishin të gjitha gjëra shumë shqetësuese. Të përfshihesh në një luftë është një moment ankthi për të gjithë. Por nga ana tjetër, ndjenja ime kryesore ishte se nuk kishte alternative tjetër. Dhe mendoj se Kosova sot e vërteton plotësisht që ai ishte vendimi i duhur për t’u marrë”