Grupi mercenar Ëagner nuk është më “pjesëmarrës në ndonjë kapacitet të rëndësishëm në mbështetjen e operacioneve luftarake në Ukrainë”, ka thënë një zëdhënës i Pentagonit. Kjo deklaratë vjen disa javë pas rebelimit 24-orësh të grupit mercenar në Rusi, që sfidoi autoritetin e presidentit rus, Vladimir Putinit. “Në këtë fazë, ne nuk shohim që forcat Ëagner po marrin pjesë në ndonjë kapacitet të rëndësishëm në mbështetje të operacioneve luftarake në Ukrainë”, tha zëdhënësi i Pentagonit, Patrick Ryder. Ëagner besohet se e ka ndihmuar Rusinë të aneksojë Krimenë në vitin 2014 dhe ka luftuar në disa nga betejat më të përgjakshme së fundi. Ky grup luajti rol të rëndësishëm në kapjen e qytetit në lindje të Ukrainës, Bahmutit, për Rusinë. Sipas marrëveshjes që i dha fund rebelimit të qershorit, luftëtarëve të Ëagnerit iu tha se mund të bashkohen me ushtrinë e rregullt ruse ose të shkojnë në Bjellorusi me shefin e tyre, Yevgeny Prigozhinin. Por, në fillim të kësaj jave, Kremlini tha se Putin ishte takuar me Prigozhinin në Moskë vetëm disa ditë pas kryengritjes.