Një gjykatë amerikane lëshoi mandatet për të konfiskuar dy avionë luksozë në pronësinë e miliarderit rus Roman Abramovic në kuadër të masave amerikane të ndërmarra pas pushtimit rus të Ukrainës. Por, mundësia që qeveria amerikane të merrte kontrollin e avionëve me vlerë afro 400 milionë dollarë, ishte e pasigurt. Një zyrtar i departamentit të drejtësisë tha se një boeing 787 Dreamliner me vlerë 350 milionë dollarë dhe një Gulfstream me vlerë 60 milionë dollarë, nuk ishin në duart e SHBA dhe ai refuzoi të thoshte nëse qeveria e amerikane e di apo jo vendndodhjen e tyre. Një gjykatës federal në Manhatan lëshoi mandatet nën pretekstin se fluturimet e fundit kishin dhunuar kontrollet amerikane të eksportit të vendosura pas pushtimit rus të Ukrainës në shkurt. Departamenti amerikan i drejtësisë përgatiti dosjet administrative kundër abramovicit. Por zyrtari tha se mandatet kanë si qëllim të mos lejojnë kompanitë që të ndihmojnë në lëvizjen e avionëve. Autoritetet amerikane po tentojnë të rrisin presionin mbi liderët e biznesit që të mbyllen ndaj presidentit rus Vladimir Putin, për ta detyruar atë të ndalë atë që ai e konsideron si operacion special ushtarak në Ukrainë. Një zëdhënës i Abramovicin ndërkohë nuk ka bërë komente të menjëhershme. Vetë Abramovich ka mohuar të ketë lidhje të ngushta me Putinin.