Rusia tha se një eksperiment i kryer nga SHBA, që synonte të jepte të dhëna për sjelljen e materialeve të përdorura në kokat bërthamore nuk shkelte Traktatin e Ndalimit Gjithëpërfshirës të Testeve Bërthamore. Administrata Kombëtare e Sigurisë Bërthamore në SHBA tha se kishte kryer me sukses një eksperiment më 14 maj, në laboratorin nëntokësor PULSE, në vendin e testimeve bërthamor në Nevada. “Administrata mbështetet tek këto eksperimente për të mbledhur informacione të vlefshme për sigurinë, besueshmërinë dhe efektivitetin e kokave bërthamore të Amerikës, pa përdorimin e eksplozivëve bërthamorë," thanë zyrtarët amerikanë. "Në përputhje me moratoriumin e vetë-imponuar mbi testimin e eksplozivëve bërthamorë që Shtetet e Bashkuara ka në fuqi që nga viti 1992, eksperimenti nuk rezultoi në një reaksion zinxhir, kritik."