Sekretari amerikan i Shtetit, Marko Rubio ka uruar qytetarët e Serbisë me rastin e ditës së shtetësisë. Përmes një deklarate, Rubio theksoi se dy shtetet ndajnë “një histori të gjatë dhe të rëndësishme, të përshkruar nga miqësia dhe respekti reciprok”. Diplomati shprehet se pret forcimin e lidhjeve mes dy shteteve, për zgjerimin e tregtisë, investimeve dhe për të forcuar prosperitetin ekonomik. “Ne vlerësojmë partneritetin me Serbinë në promovimin e stabilitetit dhe prosperitetit në mbarë Ballkanin Perëndimor dhe mezi presim të thellojmë bashkëpunimin tonë në vitin e ardshëm”, shprehet sekretari amerikan. Rubio, dhe presidenti serb, Aleksandar Vuçiç, zhvilluan një bisedë në janar në margjinat e Forumit Ekonomik në Davos. Pas atij takimi, Vuçiç deklaroi se përpara Serbisë janë vendosur “dy kushte formale” për nisjen e Dialogut Strategjik me SHBA-në. Një nga këto kushte, lidhej me energjetikën, dhe tjera kishte natyrë politike.