Shtetet e Bashkuara të Amerikës, kërkojnë nga Izraeli, që tërheqja nga Gaza të jetë e plotë dhe të mos ketë pushtim të saj. Deklarata vjen nga presidenti Joe Biden, I cili thekson se ushtria e tanishme izraelite është më konservatorja me të cilën kanë patur të bëjnë Shtetet e Bashkuara. “E njoh mirë Izraelin dhe e mbështes Izraelin. Por, ky kabinet lufte është një nga kabinetet më konservatore të luftës në historinë e Izraelit. Dhe këtu nuk ka asnjë përgjigje përfundimtare për zgjidhjen e dy shteteve. Pyetja ka qenë që në fillim. Cila është dita tjetër në Gaza? E nesërmja në Gaza duhet të jetë fundi, fundi i të nesërmes nuk duhet të ketë pushtim nga Izraeli në Rripin e Gazës”, shprehet Joe Biden. Por përkundër armëpushimit të rënë dakord, tërheqja e trupave izraelite ka zbuluar 60 civilë të pajetë palestinezë. Ata u gjetën në lagjen Tal al-Hawa në Rripin e Gazës. “Të paktën 60 trupa u numëruan. Disa trupa u varrosën në vend, të tjerët u dërguan në spitalet e afërta. Shumë trupa janë ende nën rrënoja. Forcat izraelite janë vendosur aty pranë dhe përpjekjet e shpëtimit po ndërpriten rregullisht. Shumica e të vrarëve ishin gra dhe fëmijë, disa trupa u hëngrën edhe nga qentë”, vuri në dukje Mahmoud Basal, zëdhënës i Mbrojtjes Civile të Gazës. Ushtria izraelite i justifikoi sulmet e fundit në Gaza me faktin se kishte gjetur dronë dhe armë të tjera në kompleksin luftarak të Hamasit brenda ish-selisë qendrore të OKB për refugjatët në qytetin e Gazës.