Shefja e politikës së jashtme të Bashkimit Evropian, Kaja Kallas, tha se SHBA-të duan ta “përçajnë Evropën” dhe nuk “e pëlqejnë Bashkimin Evropian” në një intervistë të botuar nga Financial Times të premten, pas më shumë se një viti trazirash në marrëdhëniet transatlantike. “Ajo që mendoj se është në të vërtetë e rëndësishme që të gjithë ta kuptojnë është se SHBA ka qenë shumë e qartë se do ta ndajë Evropën. Ajo nuk e pëlqen Bashkimin Evropian”, tha Kallas për FT.