Presidenti i Shteteve të Bashkuara, Donald Trump, dhe Presidentja e Komisionit Evropian, Ursula von der Leyen, kanë njoftuar arritjen e një marrëveshjeje të re tregtare mes SHBA-së dhe Bashkimit Evropian, e cila parashikon tarifa doganore prej 15%. Takimi mes dy liderëve u zhvillua në Turnberry të Skocisë, ku u ra dakord që tarifat aktuale mbi çelikun dhe aluminin të mbeten në fuqi, ndërsa tarifa doganore e mëparshme prej 50% që ishte pezulluar, nuk do të rikthehet. Marrëveshja përfshin gjithashtu blerje të mëdha nga ana e BE-së. Shtetet evropiane do të blejnë energji dhe armatim amerikan me vlerë 150 miliardë dollarë dhe do të realizojnë investime në SHBA në shumën prej 600 miliardë dollarësh. Presidentja e Komisionit Evropian, Ursula von der Leyen, e përshkroi marrëveshjen si një hap të rëndësishëm drejt stabilitetit ekonomik ndërkombëtar. Trump filloi bisedimet me von der Leyen më herët të dielën, ndërsa afati i fundit i së premtes për të arritur një marrëveshje tregtare për të shmangur tarifat prej 30% për importet evropiane po afronte.