Situata për shkak të Covid 19 në vendin tonë vijon të mbetet shqetësuese, ku cdo ditë raportohet për një numër të lartë të rasteve të reja si dhe për viktima. Gjatë 24 orëve të fundit janë shënuar 3 vikitma, mes tyre një 49-vjeçar nga Elbasani, një 67-vjeçar nga Vlora dhe një 71-vjeçar nga Durrësi. Me gjithë përpjekjet e stafit mjekësore, këta qytetarë nuk mundën ta mposhtin luftën me virusin e rrezikshëm. Ministria e Shëndetësisë bëri me dije se në 24 orët e fundit janë kryer 4 mijë e 228 testime nga të cilat 896 qytetarë, kanë rezultuar pozitive me Covid 19. Tirana vijon të jetë qarku më I rrezikuar, ku vetëm në 24 orët e kaluara, ka shënuar 224 raste të reja. Në njoftimin zyrtarë bëhet me dije se janë shëruar 518 qytetarë gjatë, duke e çuar numrin e të shëruarve në 136 mijë e 479 që nga fillimi i epidemisë. Ndërsa, 132 pacientë po marrin trajtim mjekësorë në spitale, nga të cilët 14 prej tyre janë në gjendje më të rënduar. Aktualisht janë 12 mijë e 3 pacientë aktivë me covid19 në të gjithë vendin.