Një tjetër operacion antidrogë i zhvilluar nga policia e Krujës coi në asgjësimin e një tjetër sasie lëndë narkotike kanabis. Në një zonë të pyllëzuar në malin e Brretit, efektivët konstatuan 5 ambiente të hapura ku kultivoheshin bimë narkotike. Në kuadër të operaconit police të koduar “Territor i pastër”, shërbimet e policisë asgjësuan në total 855 fidanë dhe bimë narkotike cannabis sativa. Fidanët dhe bimët e dyshuara narkotike u agjësuan me anë të djegies, ndërsa një pjesë e vogël e tyre u sekuestrua në cilësinë e provës materiale, sasi e cila do të shërbejë si provë për hetimet. Ende nuk dihet se cili është autori apo autorët e përfshirë në këtë veprimtari kriminale. Policia e Krujës ka nisur hetimet me qëllim identifikimin dhe arrestimin e tyre,. Operacioni antidrogë u realizua falë kontrolleve të shumta në zonat e pyllëzuara të këtij rrethi, të asistuar edhe nga dronët, me qëllim parandalimin, evidentimin dhe goditjen e veprimtarisë kriminale të kultivimit të bimëve narkotike.