Presidenti serb Aleksander Vuçiç ka njoftuar të enjten se shërbimi i detyrueshëm ushtarak në vend do të hyjë në fuqi në dhjetor të 2026-tës ose në mars të vitit 2027. Sipas tij, vendimi për fillimin e shërbimit ushtarak do të varet nga gatishmëria e kapaciteteve dhe objekteve ushtarake. Presidenti serb deklaroi pas një takimi me udhëheqësit ushtarakë, se vendimi do të merret brenda një ose dy muajve të ardhshëm. “do ta çojmë në Parlament dhe do të fillojmë regjistrimin e rekrutëve ushtarakë", u shpreh Vuçiç. Sipas tij, shërbimi ushtarak do të zgjasë 75 ditë.