Drejtori i Institutit “Octopus” në Kosovë, Agim Musliu, ka ngritur dyshime se Serbia po furnizohet me dronë nga Irani. Në një postim në platformën e medias sociale “X”, Musliu shkruan se një avion që lidhet me kompaninë “Pouya “Air”, e cila është e lidhur me Gardën Revolucionare Islamike Iraniane, është parë të fluturojë mbi ajër në Turqi. Sipas Flightradar24, destinacioni i këtij avioni duhet të jetë Beogradi. Dhe në lidhje me këtë, Musliu shkruan “a është vërtete Serbia duke blerë dronë nga Irani?” Në postimin e shpërndarë nga Musliu thuhet edhe se “Avioni “Ilyushin Il-76TD” me numër regjistrimi Iranian EP-PUS, i përket kompanisë "Pouya Air," e cila është e lidhur me Gardën Revolucionare Islamike Iraniane, që është nën sanksione nga Zyra e Kontrollit të Pasurive të Huaja të Departamentit të Thesarit të SHBA. Avioni, sipas postimit është pikasur në ajër mbi Turqi dhe sipas Flightradar24, destinacioni është Beogradi në Serbi. Sipas Musliut, ndodh shumë rrallë që një avion i kësaj kompanie, të shihet mbi qiej evropianë.”