Vidovdani nuk është kremtuar vetëm në Kosovë, por edhe në Serbi, ku nuk kanë munguar deklaratat e provokimet ndaj kosovës. Me ceremoni shtetërore, mbledhje të posaçme qeverie, homazhe dhe prezantim të armatimeve dhe ushtrisë, Serbia shënoi Vidovdanin. Kryeministri serb Millosh Vuçeviç e cilësoi Vidovdanin gur themel të kulturës dhe identitetit teksa shkoi më tej ku theksoi se mbledhja e qeverisë duhej të ishte mbajtur në Kosovë. “Ne u mblodhëm sot në qytetin perandorak të Krushevcit në vend të Graçanicës dhe Gazimestanit sepse nuk ka respekt për të drejtën publike ndërkombëtare dhe drejtësinë…” Po ashtu Serbia sheshin e heronjve në Krushevac u prezantuan armatime dhe pajisje të ushtrisë serbe, për herë të parë edhe sistemi i mbrojtjes ajrore HQ-17AE. I blerë nga Kina, sistemi me rreze të shkurtër shërben për të mbrojtur trupat në tokë, dhe mund të qëllojë 4 objektivë njëkohësisht deri në 15 km distancë. Po ashtu në këtë paradë force u shfaq gjithashtu arma më e fuqishme që disponojnë forcat ajrore të Serbisë, sistemi kinez FK-3,e po ashtu tanke e artileri të tjera të sofistikuara.