Serbia po bën të pamundurën të bllkojë anetarësimin e Kosovës në Këshillin e Europës duke kontaktuar një sërë vendesh europiane për ti kërkuar të mos e mbështesin këtë nismë. Zëvendësministri i Punëve të Jashtme, Kreshnik Ahmeti deklaron se Serbia ka dërguar në Strasburg një sërë letrash për kundërshtim të aplikimit të Kosovës në Këshillin e Evropës, por sipas tij, e ka humbur këtë betejë. Ahmeti thotë se Kosova ka siguruar mbështetjen në vota si dhe interpretimin ligjor që sqaron se nuk ka pengesa për shtetin në këtë drejtim. Gjatë vitit të kaluar Republika e Kosovës dërgoi aplikimin për anëtarësim në Bashkimin Evropian si dhe në Këshillin e Evropës. Të dy këto procese, sipas Ministrisë së Jashtme janë relativisht të gjata që kërkojnë durim, mirëpo konsideron se kanë qenë të veprime të domosdoshme.