Instituti Ndërkombëtar për Siguri me seli në Beograd ka nisur një fushatë të ashpër, duke i bërë thirrje Asamblesë Parlamentare të NATO-s që të mos i japë Kosovës statusin e anëtarit të asociuar në atë organizatë. Seanca lidhur me këtë vendim është paraparë të mbahet të premten në Sofje. Përmes një deklarate të shpërndarë në mediat serbe, e nënshkruar nga drejtori i Institutit Ndërkombëtar të Sigurisë në Beograd, Orhan Dragash dhe drejtori i programit, Zoran Dragishiq, i cili është edhe deputet dhe anëtar i Delegacionit të Përhershëm të Parlamentit të Serbisë në Asamblenë Parlamentare të NATO-s, kanë kërkuar që të mos i jepet statisi i anëtarit të asociuar për Kuvendin e Kosovës, pasi sipas tyre do të ishte i dëmshëm për Asamblenë Parlamentare të NATO-s dhe veçanërisht për proceset e stabilizimit dhe integrimit euroatlantik në Ballkanin Perëndimor.