Serbia dhe Hungaria kanë nënshkruar një deklaratë të përbashkët politike dhe gjashtë marrëveshje, pas një mbledhjeje të Këshillit për Bashkëpunim Strategjik mes dy vendeve këtë të enjte në Budapest. Kryeministri hungarez, Viktor Orban tha se Serbia dhe Hungaria janë të lidhura me marrëdhënie miqësore. "Tani kemi një situatë të re në botë. Ne e quajmë këtë realitet të ri të shkaktuar nga rezultati i zgjedhjeve amerikane. Tani forcat e reja që janë shtypur deri më tani do të jenë të suksesshme", tha Orban. Para takimit të Këshillit për Bashkëpunim Strategjik, Aleksandar Vuçiç u prit në Budapest nga kryeministri Orban në një takim dypalësh. Në një postim në Instagram, Vuçiç shkroi në llogarinë e vet në Instagram se Orbani dhe Qeverinë e tij “nuk janë vetëm partnerë strategjikë e politikë të Serbisë, por edhe miq të sinqertë”. Serbia dhe Hungaria bashkëpunojnë edhe në çështjen e gazit. Në korrik 2023, ata nënshkruan një marrëveshje për krijimin e një kompanie të përbashkët tregtare të gazit. Për shkak të mungesës së kapaciteteve të veta, Serbia ka marrë me qira edhe depo gazi nga Hungaria.