Policia e Kosovës, ka reaguar duke hedhur poshtë pretendimet e mediave serbe se një “grup i armatosur shqiptarësh” ka qëlluar drejt pjesëtarëve të Ushtrisë së Serbisë, pranë bazës ushtarake “Debella Gllava”. Policia e Kosovës, I ka cilësuar si dezinformata të pabazuara, që nuk korrespondojnë me asnjë incident të verifikuar nga autoritetet në territorin e Republikës së Kosovës. Përmes një postimi zyrtar, Policia theksoi se pas verifikimit të të gjitha informatave operative, raporteve nga terreni dhe koordinimit me institucionet kompetente, nuk është regjistruar asnjë rast I të shtënave me armë drejt pjesëtarëve të Ushtrisë së Serbisë, siç është raportohet nga disa media serbe. Sipas Policisë, publikimi i informacioneve të pasakta krijon perceptime të rreme dhe rrit tensionet e panevojshme në zonat kufitare.