Serbia ka akuzuar të martën Kosovën se po i shpall luftë nëpërmjet vendimit për reciprocitetin e targave dhe kartave të identitetit. Drejtori i Zyrës për Kosovën në Qeverinë e Serbisë, Petar Petkoviv deklaroi gjatë një dalje për mediat se implementimi i vendimeve të mara nga Qeveria e Kosovës për letërnjoftimet në kufirin mes dy vendeve dhe për ndryshimin e targave ilegale serbe, është shpallje lufte. Ai ka kërkuar nga bashkësia ndërkombëtaretë ndalë kryeministrin Kurti dhe të bëjë presionqë të themelohet Asociacioni i komunave me shumicë serbe. Në mbledhjen e javës së shkuar, Qeveria Kurti vendosi që aplikojë të njëjtën masë, si Beogradi zyrtar, që nuk pranon dokumentet e identifikimit të Kosovës dhe i pajis në kufi shqiptarët e Kosovës me një letër që zëvendëson dokumentet e identifikimit. Po ashtu, Qeveria vendosi t’u japë një afat 2 mujor të gjithë atyre që kanë targa ilegale serbe në emër të qyteteve të Kosovës.