Serbia kaloi natën e katërt radhazi me trazira e përleshje të forta mes protestuesve dhe policisë. Manifestuesit vijuan edhe të shtunën që të sulmojnë zyrat e partisë së Aleksandër Vuçiç, tre prej të cilave në Beograd, Valjevë dhe Novi Sad përfunduan në flakë. Përveç zyrave të partisë së Vuçiç, në shënjestër të protestuesve kanë qenë edhe zyrat e partisë radikale serbe, një aleate besnike e presidentit serb. Organizatorët e protestës akuzuan policinë për dhunë ndaj manifestuesve në Beograd dhe Novi Sad, ndërsa ministria e Brendshme doli me një deklaratë duke mohuar këto akuza.