Teksa agresioni I paprovokuar rus mbi Ukrainën vijon prej më shumë se 2 vite e gjysmë, të dhëna të reja sa vijnë e dalin në dritë. Së fundmi Radio Evropa e Lirë në gjuhën serbe ka arritur të zbulojë përfshirjen e shtetasve serbë në luftimet në Rusi. Ka qenë dëshmia e një prej këtyre serbve që kishte zgjedhur të kthehej në vendin e tij nga lufta pas tetë muajsh qëndrimi atje, që ka zbuluar sesi serbët I bashkohen fushës së betejës. Sipas dshmisë dhënë nga ish-luftëtari që mori pjesë në Ukrainë, tregon me fakte e dokumente sesi ai kishte arritur që nga Serbia të udhëtonte drejt Rusisë, ku së pari kishte kryer një kurs stërvitor për 2 muaj, e më pas I ishte bashkuar frontit të luftës, për 6 muaj me radhë. Sipas dëshmitarit në fjalë, e gjithë kjo nuk ishte bërë për shkak të pagesës që ata merrnin nga shteti rus, por për shakak të ndjenjës vëllazërore me popullin rus.