Policia e Tripolit ka arritur të identifikojë një shqiptar të dytë të përfshirë në kultivimin e parcelës së shkatërruar disa ditë më parë, ku u sekuestruan më shumë se 1200 bimë marijuanë dhe rreth 1.4 ton marijuanë të bërë gati për shitje. Mësohet se në pranga ka rënë një shqiptar, për të cilin janë grumbulluar informacione se është i përfshirë në këtë grup kriminal, për të cilin policia po punon intensivisht për identifikimin e pjestarëve. Pak ditë më parë, policia vuri në pranga 37-vjecarin Shqefen Ndreca nga Zejmeni i Lezhës, si i përfshirë në kultivimin e sipërfaqjes prej 35 hektarësh me marijuanë, i cili qëndronte ilegalisht në Greqi. Në zonën ku u gjet droga autorët kishin krijuar një zonë të improvizuar për tharjen e fidanëve, si dhe zona ndihmëse, të cilat përdoreshin për akomodimin dhe vëzhgimin e parcelës.