Hakerat iranianë kanë vjedhur dhe publikuar të dhënat konfidenciale të ish- drejtorit të policisë së shtetit, Gledis Nano. Pas sulmit kibernetik në shërbimet publike online, dhe më pas ndaj sistemit TIMS, hakerat iraninë kanë bërë publike kartën e identitetit, certifikatën familjare, patentën dhe dokumentacionin e plotë të udhëtimeve të kryera te Gledis Nanos. Në të dhënat e hakerave, rezulton një udhëtim i ish drejtorit të policisë, drejt Dubait, në 13 mars të këtij viti. Hakerat kanë pasur akses të plotë edhe në email-et zyrtare që ish drejtori i policisë së shtetit, ka shkëmbyer me Kryeministrinë, Ministrinë e Brendshme, Ambasadat e huaja, kryesisht për menaxhimin e policisë së shtetit dhe bashkëpunimin për të siguruar rendin në evenimente të mëdha sikurse ishte finalja e Conference League.