Ndërsa evropianët po paralajmërohen dhe po përpiqen dëshpërimisht të kursejnë energjinë në pritje të dimrit, për të evituar terrin dhe acarin, një vend në Zvicër, lugina e Bavonës, nuk trazohet aspak...në fund të fundit, ajo nuk ka qenë asnjëherë e lidhur në rrjetin elektrik. E ndodhur në rajonin italishtfolës Ticino, në jugun e Zvicrës, lugina e izoluar dhe e rrethuar me shkëmbinj, përgjatë lumit Bavona, është njëra ndër më të rrëpirëtat në Alpe. Por, në luginë ndodhen 12 fshatra të vogla, të përbëra nga shtëpi prej guri, ku banojnë dhjetëra persona gjatë pjesës më të madhe të vitit, me përjashtim të dimrit kur mund të numërosh atje pak më shumë se 10 persona. Njëmbëdhjetë prej fshatrave nuk janë të lidhur në rrjetin elektrik, pavarësisht se zona prodhon shumë energji, falë digave që ndodhen lart, afër majave të maleve.