Bisedimet e të enjtes me kryeministrin e Kosovës, Albin Kurti dhe presidentin e Serbisë Aleksander Vuçiç nuk mund të konsiderohen të dështuara. Kështu u shpreh kancelari gjerman Olaf Scholz, I cili deklaroi ndër të tjera se ka vërejtur nëj përkushtim të palëve për zbatimin e marrëveshjeve bazë të Aneksit të Ohrit dhe për Asociacionin e komunave me shumicë serbe. “Në këtë situatë shumë pikëlluese, ishim në gjendje të ecim përpara dhe nuk ndaj qëndrimin tuaj se bisedimet dështuan. Por mendoj se nëse bëjmë vlerësim politik, mendoj se mund të ndaj vlerësimin tim se të dy, Kurti dhe Vuçiqi, thanë që konceptin dhe propozimet konkrete, marrëveshjet Bazë dhe atë të Ohrit dhe Asociacionin e komunave me shumicë serbe, do t’i implementojnë. Këtë e kanë thënë qartë”, ka thënë Scholz në një konferencë për median, një ditë pas diskutimeve me Kurtin e Vuçiçin në Bruksel.