Në Bruksel mbahet këtë të mërkurë samiti i radhës mes udhëheqësve të Bashkimit Europian dhe atyre të Ballkanit Perëndimor. Në këtë samit, merr pjesë edhe Kryeministri Edi Rama. Temat kryesore do të jenë afrimi i partnerëve të Ballkanit Perëndimor me BE-në dhe avancimi i integrimit, ndërtimi i themeleve ekonomike për të ardhmen dhe zbutjen e ndikimit të agresionit rus kundër Ukrainës dhe intensifikimin e angazhimit politik dhe politik. Sa i takon Shqipërisë, vetoja greke për shkak të Belerit rrëzikon që të pengojë hapjen e negociatave. Athina ka kërcënuar se nëse Beleri nuk lejohet të betohet do të bllokojë rrugëtimin e Shqipërisë në BE, madje do të kërkojë ndarjen e vendit tonë nga Maqedonia e Veriut. Greqia pranoi të dërgonte letrën e BE-së, në Tiranë për hapin e parë të nisjes së negociatave, me kusht që në fazën tjetër të procesit të ketë një lëvizje të qartë në drejtim të rikthimit të vullnetit politik në Himarë .