Në Bruksel u zhvillua këtë të mërkurë samiti BE-Ballkani Perëndimor, ku unioni rikonfirmoi edhe njëherë se e ardhmja e vendeve të Ballkanit Perëndimor mbetet në Bashkimin Europian. Lider nga vendet e Ballkanit, mes të cilëve kryeministri Edi Rama, presidentja e Kosovës, Vjosa Osmani por dhe të tjerë, më përjashtim të Vuçiçit ishin pjesë e takimit ku në përfundim palët dolën me një deklaratë të përbashkët në të cilën palët ranë dakord duke nisur nga agresioni rus kundër Ukrainës dhe deri tek çështja e integrimit të Ballkanit Perëndimor. Samiti shërbeu gjithsahtu si një dëshmi e themeleve të forta të marrëdhënies mes unionit dhe ballkanit ndërsa nxorri në pah sfidat gjeopolitike dhe intesifikimin e bashkëpunimit. BE u zotua se do të vijojë angazhimin ndaj perspektivës së Ballkanit Perëndimor për anëtarësimin. “Mirëpresim energjitë e reja dhe progresin e bërë që prej samitit të fundit. Përshpejtimi I procesit të anëtarësimit, bazuar në reformat e besueshme të partnerëve, kushtëzimin e drejtë dhe rigoroz dhe parimin e meritave të veta, është në interesin tonë të përbashkët.”, thuhet në deklaratën e BE. Siguria kibernetike, migracioni, energjia por dhe situata e mungesës së dialogut mes Kosovës e Serbisë si dhe tensionet e krijuara mes Maqedonisë së Veriut, Greqisë e Bullgarisë ishin ndër pikat e listuara në deklaratë. “Ne mirëpresim progresin në integrimin gradual të partnerëve të Ballkanit Perëndimor në Tregun e Vetëm të BE-së, duke përfshirë në: - vënien në zbatim të nismave të Rrugës së Shpejtë të Tregut të Vetëm, zgjerimin e korsive të gjelbra midis BE-së dhe Ballkanit Perëndimor dhe financimin e modernizimit dhe harmonizimit të kalimeve kufitare; - aderimin e suksesshëm të disa partnerëve në Zonën e Vetme të Pagesave në Euro (SEPA) me të tjerë në rrugën e duhur për t'u bashkuar, duke ulur ndjeshëm kostot e transaksioneve bankare;- bashkimin në nismat - reduktimin e kostove të roaming-ut për internetin midis BE-së dhe partnerëve të Ballkanit Perëndimor.”, specifikohet në deklaratë më tej. Samiti I radhës do të mabhet në Mal të Zi në qershor të vitit 2026.