Katër ditë pasi Gjykata e Posaccme Antikorrupsion revokoi masën ‘arrest në shtëpi’ ndaj ish kryeministrit Sali Berisha, këtë të shtunë Ervin Salianji ka reaguar nga qelia duke thënë se kreun e demokratëve nuk e liruan, por sipas tij, e izoluan padrejtësisht për thuajse 1 vit. Berishën nuk e liruan, e izoluan padrejtësisht për thuajse 1 vit, dëgjoj e lexoj me aq sa vjen lajmi në burg se qenka lirim, në fakt është imponimi e më pas çlirimi. Nuk mund të lexohet çlirimi i Sali Berishës, pa betjat e përditshme që zhvilluan demokratët, pa mbështetjen ndërkombëtare të rezolutave të PPE-së e IDC-së. Nga qelia numër 6, aty ku po vuan dënimin me 1 vit burg, Salianji i bëri thirrje demokratëve të shfrytëzojnë cdo orë për të takuar të gjithë qytetarët, pasi dhe 5 muaj na ndajnë nga zgjedhjet parlamentare. S’ka fare nevojë për ta theksuar se sa jetike janë këto zgjedhje për demokratët, për qytetarët dhe për vendin. Në këto kushte, nëse nuk e bëjmë dot ditën 25 orë, të paktën ato që kemi në dispozicion, duhen shfrytëzuar për të arritur tek çdokush, sado larg të jetë ai, sado i paangazhuar apo skeptik, apo me pasionin e zbehur për politikën. Ervin Salianji u dënua me 1 vit burg me vendim të formës së prerë, në datë 26 shtator të këtij viti nga apeli me juridiksion të përgjithshëm, për veprën penale 'kallëzim i rremë'.