Komisioni rregullator miratoi këtë të shtunë numrin e mandateve për çdo qark dhe ngritjen e zonave të administrimit zgjedhor. Qarku Berat do të ketë 7 mandate, ai i Dibrës 5 mandate, Durrësi dhe Elbasani nga 14 mandate. Ndërkohë Fieri 16 mandate, gjirokastra 4, korça 10, Kukësi 3, Lezha 7 Shkodra 11, Vora 12 dhe Tirana 37 mandate. Gjatë mbledhjes komisioni caktoi kufijtë dhe ngritjen e 93 Zonave të Administrimit Zgjedhor për Zgjedhjet për Kuvend, që do të mbahen në datën 11 Maj 2025. Bashkitë që kanë më shumë se 80 mijë votues ndahen nga KQZ-ja në më shumë se sa një ZAZ, duke respektuar kriterin e pandashmërisë së territorit të njësisë administrative, vazhdimësinë dhe kompaktësinë e territorit, barrierat gjeografike, mundësitë e mira të komunikimit brenda territorit dhe numër të përafërt zgjedhësish. Gjatë mbledhjes pati debate dhe për rregullat se si dhe kush do t’I numërojë votat e diasporës. Akti I propozuar nga kryekomisioneri pati kundështi nga ana e anëtarëve të komisionit. Sipas dokumentit, zarfet e votave nga jashtë vendit do të vlerësohen nga një komision i ngritur nga KQZ dhe do të numërohen po nga njerëz të caktuar nga Komisioni. Ndërsa partitë politike parlamentare do të kenë të drejtën e vëzhgues. Mbledhja për këtë pikë u shty me 5 ditë ndërsa anëtarja e komisionit rregulator Helga Vukaj kërkoi që në mbledhje të jetë dhe Ilirjan Celibashi.