Rusia ka thënë se disa sanksione perëndimore duhet të hiqen përpara se të fillojë armëpushimi detar me Ukrainën. Brenda pak orëve pasi SHBA njoftoi se të dy palët kishin rënë dakord të ndalonin sulmet në Detin e Zi në marrëveshje të veçanta, Kremlini tha se kjo do të ndodhte vetëm pasi të hiqen sanksionet ndaj një numri bankash ruse. Kërkesat përfshijnë revokimin e sanksioneve ndaj bankës shtetërore bujqësore Rosselkhozbank dhe rivendosjen e aksesit të firmave në sistemin ndërkombëtar të pagesave Suift. Gjatë natës, Moska nisi një sulm me dron në qytetin port të Mykolaiv, thanë zyrtarët ukrainas, me presidentin Volodymyr Zelensky që tha se sulmet ishin "një sinjal i qartë" se Rusia nuk dëshiron paqe.