Parlamenti rus ka miratuar të mërkurën ligjin që e tërheq vendin nga marrëveshja globale që ndalon testimin e armëve bërthamore, një provë më shumë kjo që flet për acarimin e marrëdhënieve me SHBA-në ndërsa moska vazhdon luftën e saj në Ukrainë. Zëvendës ministri i jashtëm Sergei Riabkov, tha se rusia nuk është e disponueshme për të rinisur diskutimin e problemeve bërthamore me SHBA-në nëse uashingtoni nuk heq dorë nga politikat e tij armiqësore. Ligji që e ndjerr rusinë nga traktati u miratua me 156 vota pro dhe asnjë kundër, në dhomën e sipërme të parlamentit, pasi dhoma e ulët e kishte miratuar më herët atë, po në mënyrë unanime. Tani, ligji shkon në tavolinën e Putinit për firmë. Ka qenë vetë Putini ai që kërkoi ndryshimin në mënyrë që të pasqyrohet pozicioni i SHBA-së, që traktatin e ka firmosur në 1996-ën, por nuk e ka ratifikuar asnjëherë. Edhe pse traktati nukl ka hyrë asnjëherë zyrtarisht në fuqi, ai i bëri testimet bërthamore një tabu dhe asnjë vend, me përjashtim të Koresë së Veriut, nuk ka kryer një testim që përfshinte një shpërthim bërthamor këtë shekull. Rusia thotë se nuk do të rifillojë testimet bërthamore nëse uashingtoni nuk do ta bëjë këtë, por ekspertët e kontrollit të armëve thonë se një test i kryer qoftë nga rusia apo nga SHBA mund të ndizte një garë të re armatimi dhe të sillte më shumë testime nga vende të tjera, në një moment kur tensionet janë në qiell, me luftra që po zhvillohen në Ukrainë dhe në Lindjen e Mesme. CNN ka publikuar muajin e kaluar pamje satelitore që tregonin se rusia, SHBA dhe Kina, kanë zgjeruar vendet e testimit bërthamor në vitet e fundit.