Rusia nisi një sulm me dron gjatë natës në portin ukrainas të Mykolaivit, i cili i siguron vendit akses në Detin e Zi dhe goditi Kryvyi Rih në atë që zyrtarët ukrainas thanë të mërkurën se ishte sulmi më i madh me dronë në qytet. Shtetet e Bashkuara arritën marrëveshje të veçanta të martën me Ukrainën dhe Rusinë për të ndalur sulmet e tyre mbi Detin e Zi dhe kundër objektivave të energjisë së njëri-tjetrit, por nuk ishte e qartë se kur dhe si do të hynin në fuqi marrëveshjet. Kryebashkiaku i Mykolaivit tha se kishte ndërprerje emergjente të energjisë elektrike të mërkurën herët në qytet, pas një raporti se shtatë dronë u shkatërruan gjatë natës mbi rajon. Rusia sulmoi gjithashtu qytetin qendror të Ukrainës, Kryvyi Rih, duke shkaktuar zjarre dhe duke dëmtuar ndërtesa, por duke mos shkaktuar viktima, tha kreu i administratës ushtarake të qytetit.