Ministria ruse e mbrojtjes tha të shtunën se forcat e saj kishin rrëzuar një avion luftarak ukrainas Su-25 dhe kishin shkatërruar tre helikopterë MI-8 në një fushë ajrore në rajonin e Kharkivit në Ukrainë. Nuk ka patur një reagim të menjëhershëm nga Ukraina për sa i takon pretendimeve ruse sidoqoftë. Në buletinin e saj më të fundit, ministria ruse e mbrojtjes pretendoi një varg suksesesh të forcës së saj ajrore, që sipas saj kishte marrë në shënjestër gjatë natës shënjestra ushtarake ukrainase. BBC shkruan se ajo nuk ka qenë në gjendje ti verifikojë informacionet në mënyrë të pavarur pasi pala ukrainase nuk ka reaguar ende. Më herët, sidoqoftë, britania e madhe tha se rusia ka dështuar të shënojë ndonjë progres të rëndësishëm për sa i takon marrjes së kontrollit të territoreve , gjatë 24 orëve të shkuara, pavarësisht aktivitetit të shtuar të forcave të saj .