Të paktën 13 persona u vranë dhe dhjetëra të tjerë u plagosën gjatë një sulmi ajror të ndërmarrë nga forcat ruse në qytetin jugor të Zaporizhjas. Ofensiva sipas autoriteteve u ndërmor në një zonë industriale të qytetit, ndërsa pamjet e shpërndara treguan trupat e pajetë, një pjesë e të cilëve ishin copëtuar nga shpërthimi. “Nuk ka asgjë më mizore se sulmet ajrore në qytet, duke ditur që qytetarët e thjeshtë do të pesojnë”, tha presidenti i Ukrainës, Volodymyr Zelensky. Ende mbetet e paqartë se çfarë arme u përdor pasi dëmet ishin tejet të mëdha. Autoritetet ukrainase nuk përjashtuan mundësinë që të ishte përdorur një armë e telekomanduar. Ndërkohë Rusia nga ana tjetër nuk e ka komentuar sulmin. Por dhe ushtria ukrainase pretendoi se goditi një depo nafte brenda territorit rus. “Duhet të theksojmë se kjo depo nafte furnizonte me karburante bazën ajrore ushtarake, Engels-2, ku gjendet aviacioni strategjik i armikut”, u tha në njoftim. Që nga fillimi i vitit 2024, rafineritë ruse janë goditur rregullisht nga dronët ukrainas