Rusia i ka vazhduar bombardimet e pamëshirshme kundër objektivave civile në Ukrainë përgjatë së dielës. Raketat dhe dronët e Moskës kanë shënjestruar infrastrukturën energjitike në të paktën dy rajone duke lenë pa energji mijëra banorë. Sulmet me dronë dëmtuan katër objekte energjetike në rajonin e Odesës mëngjesin e së dielës, duke lënë pa rrymë gati 30 mijë banorë thanë zyrtarë lokalë. Sulmet ruse dëmtuan gjithashtu shtëpi private dhe ndërtesa të tjera dhe një person u plagos. Një sulm me dronë disa orë më vonë goditi infrastrukturën civile energjetike në rajonin e Çernihivit në Ukrainën veriore, duke lënë pa energji elektrike 30.000 mijë familje të tjera thanë autoritetet. Në mbarë vendin, mbrojtja ajrore ukrainase tha se rrëzoi 126 nga 142 dronët e lëshuar nga Rusia gjatë natës, ndërsa dronë të tjerë goditën në 10 lokacione.