Versioni rus për sulmin e 29 korrikut në burgun e Olenivka-s, në të cilin humbën jetën më shumë se 50 të burgosur lufte ukrainas, në pjesën më të madhe nga batalioni Azov, me shumë gjasa është një mashtrim. Ky është përfundimi në të cilin ka dalë një hetim i CNN bazuar në analizat e videove dhe fotove, imazheve satelitore dhe punën e ekspertëve mjekoligjor dhe atyre të armëve. Ministria ruse e mbrojtjes kishte pohuar se burgu ishte bombarduare me raketa Himars, të ngjashme me ato që i janë dhënë forcave ukrainase nga SHBA. Sipas specialistëve, sidoqoftë, pjesa më e madhe e sinjaleve tregon se në qendër të burgut ka patur një zjarr dhe sipas disa dëshmitarëve nuk është dëgjuar as zhurma e raketave. Në vendngjarje, ditët e shkuara kishte shkuar edhe aktori Steven Seagal, përfaqësues i posacëm për rusinë në marrëdhëniet humanitare me SHBA. Sipas një posrimi në tëitter të Max Seddon, shef i zyrës së financial times për moskën, Seagal ka vizituar vendin ku mbaheshin të burgosurit e luftës në Olenivka, ku ukraina thotë se rusia ka masakruar dhjetëra të burgosur për të fshehur provat e torturës. Lideri i republikës së vetëshpallur të rajonit të donetskut, Denis Pushilin, kishte shpjeguar se Seagal kishte biseduar me të burgosurit e luftës në Olenivka.