Rusia dhe Kina do të zhvillojnë stërvitje të përbashkëta detare nga 21 deri në 27 dhjetor – tha ministria ruse e mbrojtjes të hënën. Stërvitjet e përbashkëta detare, që janë zhvilluar cdo vit nga 2012-ta, do të përfshijnë lëshimin e raketave dhe predhave të artilerisë në detin e kinës lindore – tha ministria ruse e mbrojtjes. “Qëllimi kryesor i stërvitjes është që të forcohet bashkëpunimi detar mes Rusisë dhe Kinës dhe të ruhet paqja dhe stabiliteti në rajonin e azi-paqësorit. Që kur Rusia pushtoi Ukrainën në shkurt, Moska ka tentuar të forcojë lidhjet e saj politike, të sigurisë dhe ekonomike me Pekinin dhe e sheh liderin e kinës Xi Jinping si një aleat të rëndësishëm në aleancën anti-perëndimore. Dy vendet kanë nënshkruar një marrëveshje strategjike partnershipi, pa kufij, pak ditë para se moska të niste pushtimin më të madh tokësor në evropë që nga lufta e dytë botërore në shkurt, por Pekini ka shprehur që atëherë shqetësime për veprimet e rusisë në Ukrainë. Rusia thotë tani se katër luftanije të saj do të marrin pjesë në stërvitje, mes tyre kryqëzori i armatosur me raketa Varyag, ndërkohë që gjashtë luftanije kineze do të jenë po ashtu të përfshira bashkë me avionë dhe helikopterë ushtarakë të të dyja palëve. Anijet ruse do të nisen në lundrim të hënën nga porti i Vladivostokut në lindjen e largët të rusisë për të marrë pjesë në stërvitjen një javore që nis të mërkurën.