Në 24 orët e fundit Ministria e Shëndetësisë njofton për një rritje të frikshme të shifrave të infektimeve me Covid-19. Plot 921 raste të reja janë shënuar përgjatë këtij harku kohor, ku 213 raste janë regjistruar në Tiranë, 93 në Vlorë, 92 në Shkodër, 58 në Durrës e 44 në Kavajë dhe një numër më I ulët në qytete të tjera. Përgjatë 24 orëve gjithashtu ka humbur jetën një qytetar 64-vjeçar nga Kruja. Ministria bën me dije se aktualisht janë 8311 pacientë aktivë me COVID19 në të gjithë vendin dhe se 96 prej tyre po marrin trajtim Në Spitalin Infektiv. Janë shëruar 290 qytetarë gjatë 24 orëve të fundit, duke e çuar numrin e të shëruarve në 132,376 që nga fillimi i epidemisë. Ministria e Shëndetësisë apelon vazhdimisht në rritjen e vigjilencës dhe kryerjen e vaksinimit sa më parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.