Një person ka humbur jetën dhe pesë të tjerë janë lënduar pasi një reklamë e madhe në rrugë u rrëzua, si rezultat i një stuhie rëre që përfshiu kryeqytetin egjiptian. Stuhia bëri po ashtu që të shtypeshin edhe katër automjete në një nga rrugët qendrore të Kajros, qytet me 20 milionë banorë. Autoritetet rrugore punuan për të larguar mbetjet dhe për të rikthyer në normalitet trafikun. Stuhitë e rërës prekin rregullisht Egjiptin gjatë pranverës, duke shkaktuar probleme me frymëmarrjen. Autoritetet mbyllën dy porte përgjatë kanalit të Suezit ndërkohë për shkak të kushteve të këqia të motit, përfshirë erën e fortë dhe dallgët e mëdha që shoqëruan stuhinë e rërës. Shikueshmëria e reduktuar gjatë një stuhie të ngjashme në 2021 bëri që një anije gjigante mallrash, Ever Given, të bllokohej në kanal duke ndërprerë tregtinë globale për afro një javë. Rrugët e Egjiptit janë të rrezikshme dhe të keqmbajtura dhe shoferët shpesh i tejkalojnë limitet e shpejtësisë dhe shkelin rregullat e tjera. Me një popullatë prej më shumë se 105 milionë banorësh, egjipti është vendi më i madh arab.