Njësia Policore Detare dhe Policia Kufitare, në kuadër të operacionit “SIGURIA DETARE”, kanë intensifikuar kontrollet përgjatë gjithë vijës bregdetare, hapësirave liqenore dhe atyre lumore. Si rrjedhojë e këtij operacioni vetëm gjatë kësaj jave u bllokuan 34 mjete lundruese. Konkretisht u bllokuan 24 jet ski, 6 skafë dhe 4 gomone. Pjesa më e madhe e tyre në Ksamil. Ndërkohë 7 u bllokuan në plazhin e Durrësit dhe në Shëngjin dhe 2 në Velipojë. 10 prej këtyre mjeteve lundruese u konstatuan duke lundruar brenda perimetrit të sigurisë, duke rrezikuar jetën e pushuesve, ndërkohë drejtuesit u ndëshkuan secili me masë administrative 100 000 lekë. Nga ana tjetër gjoba 10 mijë lekë u vnedosën dhe për 24 të tjerët. Policia Kufitare apelon për të gjithë përdoruesit e mjeteve lundruese të zbatojnë me rigorozitet rregullat dhe të mos futen brenda permietrit të sigurisë.